You are currently viewing 23ти Октомври – Сараево

23ти Октомври – Сараево

ТЕРМИН:

  • 21.10.2021-24.10.2021

ПРОГРАМА:

ПРВ ДЕН (21.10.2021) ЧЕТВРТОК

Поаѓања се организирани од повеќе градови во Македонија. Поаѓањето од Битола 18:00 часот, Скопје е околу 20:00 часот но патниците за точно време на поаѓње се известуват на еден пред поаѓање. Се патува преку Србија со попатни вечерни паузи и царински формалности.

ВТОР ДЕН (22.10.2021) ПЕТОК

Влегувањето во Босна и Херцеговина е во утринските часови. По влегувањето во Босна на околу 20 км пристигнуваме во Вишеград, прекрасен град каде туристите имаат можност да уплатат за крстарење по Дрина и да се запознаат со природните и историски убавини на градот. Групата го посетува симболот на градот а тоа е познатиот мост кој е изграден од Мехмед Паша Соколовиќ, а кој е под заштита на UNESCO и опишан во романот на Иво Андриќ „Мостот на Дрина“.

По посетата на Вишеград, автобусот продолжува со возење до Сараево каде групата се сместува во хотел. Во хотелот во Сараево групата одмара од патувањето, а по паузата во програмата е предвидено да се посети „Тунел Спаса“. Жителите на Сараево за време на војната не можеле да излезат од градот затоа што постоела опасност да бидат застрелани од снајперисти. Сепак тие сакале да најдат начин да стигнат до населбата Бутмир. Еден босански градежен инженер, Неџад Бранковиќ, ги подготвил плановите за тунелот што ќе ги поврзува двете предградија. Во тунелот се влегувало преку една обична куќа во близина на аеродромот, која му припаѓала на Бајро Колар, во Бутмир, а во Добриња влезот бил во една гаража во станбена зграда. Секојдневно меѓу три и четири илјади луѓе и триесет тони разна стока поминувале низ тунелот. Првично, набавките требало да се носат рачно или на грбот на војниците, додека не се поставила железничка пруга со вагони што ги туркале мажите.

Патниците кои нема да се одлучат за факултативата, остануваат во хотел и во договореното време заедно со останатите кои ќе ја искористат факултативата продолжуваат во разглед на Сараево. Во Сараево следува разглед на градот со локален водич а по разгледот групата има слбодно време за индивудуални прошетки, по што во договореното време се враќа во хотелот. Денот завршува со ноќевање  во хотелот.

ТРЕТ ДЕН (23.10.2021) САБОТА

Третиот ден започнува со појадок во хотелот, кој по појадокот се упатуваме на целодневен излет. Во нашата програма за третиот ден се предвидени факултативни излети како:

Првото место за посета е “Бункерот на Тито„ во местото Коњиц. Овој бункер бил една од најстрого чуваните воени тајни воопшто во светот. До распадот на Југославија и по смртта на Тито само се нагаѓаше дека постојат подземни бункери и аеродроми на просторите на поранешната заедничка држава. Потоа, тие беа откриени,  но никој не вложуваше во нив за да ги покаже на пошироката јавност. Во 2003 година почнаа првите поголеми активности за реновирање на подземните ходници и простории во Бункерот на Тито, и по десетина години интензивна работа, сега таму може да се видат сензационалистички откритија. Екскурзијата продолжува кон Јабланица која не пречекува со приказната за „Неретва“. Срушениот мостна Неретва, кое низ годините говори за страдањата на овој народ, е дел од нашата програма. Групата ќе има можност да го посети местото кадешто е снимен познатиот филм „Битка за Неретва“. Денот го завршуваме со посета на преубавиот Мостар. Се посетуват стариот мост каде можете да ги направите најубавите фотографии, улицата Кујунџи на која се наоѓаатт занаетчиските дуќани, Отоманските резиденции од XVI-XIX век итн. По целосно исцрпување на градот, следува слободно време за ручек во прекрасните традиционални кафеани каде што може да се најдат најдобрите босански ќебапи.

По исцрпната тура, групата се враќа во Сараево, доколку има интерес може да се организира дружба или ноќно излегување. Денот завршува со ноќевање во хотелот.

ЧЕТВРТИ ДЕН (24.10.2021) НЕДЕЛА

Четвртиот и последниот ден започнува со појадок во хотелот, по што следува одјавување од истиот и заминување кон граница. Првата пауза ќе ја направиме во  Дрвенград (Србија) едно доста интересно и филмско градче во кое верувајте ќе уживате. Слободно време за ручек и продолжување кон Македонија. Пристигнување во раните утрински часови на 25.10.2021

ЦЕНА:

Промо цена 89€ по лице!!!

Редовна цена 99€ по лице!!!

Цената вклучува:

  • Две ноќи во хотел со појадок
  • Автобуски превоз
  • Посета на Вишеград
  • Разглед на Сараево
  • Посета на Дрвенград

Цената НЕ вклучува:

  • Патничко осигурување
  • Босански пакет со факултативи (Посета на Тунел Спаса, Бункер Тито, Јабланица и Мостар)
  • Туристичка такса 2 евра oд лице (за две ноќевања во хотел) која се плаќа задолжително во автобус
  • Крстарење по Дрина во Вишеград од 5 евра по лице
  • Во врска со користењето на факултативите, патниците се должни да се изјаснат дали ќе го користат „Босанскиот пакет“ додека ја вршат уплатата во канцеларија. Ваквата политика се применува се со цел да може да се резервираат потребните влезници.
  • Пцр или рапид тест за влез во Босна и Македонија доколку не сте вакцинирани

Доплата и попусти:

  • Доколку патувате сам/а се доплаќа плус 30 евра за сингл соба

Факултативни излети:

Босански пакет – 45€

  • Босанскиот пакет го формиравме се со цел да Ве запознаеме со Босна и Херцеговина во најдобро светло. Пакетот вклучува:
  • Тунел Спаса
  • Бункерот на Тито
  • Јабланица
  • Мостар

ОПИС:

Нашата нова дестинација „Сараево“ достапна и за 23-ти Октомври. YEAP. Ги покануваме сите оние кои се со позитивни мисли за уште едно бегство од реалноста. Сите велат дека Сараево е магично во Октомври, а ние веќе го тврдиме тоа и целиме кон реализирање на две тури во месец Октомври

СЛИКИ:

УСЛОВИ:

  • Резервација се прави со авансна уплата од минимум 30% од цената на аранжманот и копија од пасош.
  • Комплетна доплата 7 дена пред поаѓање.
  • Цените се дадени во евра, уплата се врши исклучиво во денарска противвредност по курс 1€ = 62мкд.
  • За реализација на овој аранжман, потребен е минимум од 40 патници, во спротивно, крајниот рок за известување околу евентуален отказ на аранжманот е најкасно 5 дена пред датумот на поаѓање. Организаторот на патувањето го задржува правото за измена на редоследот на поедини содржини во програмата
  • За ова патување потребно е да се приложи сертификат за вакцина или брз антиген тест
  • Патувањето може да биде со валидна лична карта или пасош
  • Доколку дојде до непредвидена „виша сила“ за нереализирање на патувањето, поради новонастанати ситуации кои агенцијата не можела да ги предвиди, уплатените средства ќе бидат вратени на клиентот.
  • Доколку патувањето се реализира според планираното и нема никакви пречки за негова реализација, а дојде до откажување од страна на патникот, тогаш откажувањето ќе се реализира во согласност со општите услови за патување.
  • Распоредот на седишта се нумерира според уплатата. Доколку туристите имаат барање за седиште, истото се доплаќа 15 евра за два правци и право на избор на седиште.
  • Во врска со користењето на факултативите, патниците се должни да се изјаснат дали ќе го користат „Босанскиот пакет“ додека ја вршат уплатата во канцеларија. Ваквата политика се применува се со цел да може да се резервираат потребните влезници.

ОТКАЗ НА РЕЗЕРВАЦИЈА:

За отказ на резервација важат опшите услови , односно:

  • за отказ до 30 дена пред патувањето се задржува 30% од сумата.
  • за отказ 29 до 15 дена пред патувањето се задржува 50% од сумата.
  • за отказ 14 до 5 дена пред патувањето се задржува 80% од сумата.
  • за отказ 5-0 дена пред патувањето се задржува 100% од сумата.

Доколку патникот се откажува од аранжманот пред почетокот на патувањето, поради причини кои не можел да ги предвиди, избегне или отстрани (болест, повреда или смрт во потесното семејство, елементарна непогода или слично), а врз основа на важечка потврда од надлежните органи, во тој случај не ги плаќа отказните трошоци по наведената скала, туку само реалните трошоци произлезени од откажувањето на аранжманот, за кои организаторот е обврзан да ги плати на крајниот давател на услугата, без право на рефундација. Доколку патникот се откажува од аранжманот по почетокот на патувањето (за време на патување или за време на престој во местото на патување), поради настани кои се резулатат на влијание на “виша сила” (воени настани, терористички акти, елементарни непогоди, сообраќајни незгоди или слично), кои ниту патникот ниту организаторот не можел да ги предвиди, избегне или отстрани, организаторот не носи одговорност ниту има обврска за поврат на средства за нереализирани услуги, освен доколку крајниот давател на услугите прифати и изврши рефундација на истите.

ПРИГОВОРИ И ПОПЛАКИ:

  • Во случај на неадекватно сместување или било кој друг проблем, се молат патниците за тоа веднаш да го известат одговорното лице на рецепцијата . Доколку проблемот не биде решен, веднаш треба за истиот да се извести ОРГАНИЗАТОРОТ НА ПАТУВАЊЕТО и уплатното место каде сте склучиле Договор за патување, за време на првиот ден од сместувањето и почетокот на ова програма. Напоменуваме дека рекламации за кои агенцијата ќе дознае на последниот ден од престојот или по враќањето на патниците, истите нема да бидат земени во предвид или разгледани.
  • Ве молиме во случај на било каков инцидент (кражба, тепачка, сообраќајна незгода….), да се обратите на надлежните инситуции во земјата на престојот. Организаторот на патувањето единствено е задолжен да Ви помогне при посредување меѓу вас и надлежните институции.
  • Составен дел од оваа програма се Општите услови на патување на организаторот на патувањето. За сите информации дадени усмено, агенцијата не сноси одговорност. Ве молиме внимателно да ги прочитате условите на патување кои се составен дел од овој програм.

Важат Општите услови на СКТМ и Т.А. С-ТРАВЕЛ