You are currently viewing 11ти Октомври – Кападокија

11ти Октомври – Кападокија

ТЕРМИН:

  • 06.10-11.10.2021

ПРОГРАМА:

1 Прв ден (06.10.2021) – среда 08:30ч.

Состанок на групата на Дрводекор. Заминување кон Турција во 09.00 часот. Патот води преку Куманово, Крива Паланка преку Р. Бугарија и истото трае отприлика 24 часа со предвидени паузи за одмор и царински формалности.

2 Втор ден (07.10.2021) – четврток

Предвидена подолга пауза пред пристигнувањето на второто по големина солено езеро Туз Ѓолу (Tuz Gölü) Пристигнување во Кападокија во пладневните часови, област која е позната по своите релјефни форми од пред десет илјади години по истовременото избувнување на два вулкана (Ерчисе и Хасанда). Оваа област е споменета уште во Библијата. Раните Христијани се населиле во областа за слободно да ја проповедаат својата религија. Под дејство на водата и воздухот се создале тие чудни форми- чуда на природата. Сместување во хотел. Во договореното време факултативно се поаѓа на традиционална турска ноќ со програма на познатите Дервиши каде имате достапност на алкохол и мезе. Враќање во хотел. Ноќевање.

3 Трет ден (08.10.2021) – петок

Појадок. Панорамски разглед. Поаѓање за Ѓореме – огромен манастирски комплекс, посебни манастири – секој со своја единствена црква. Самата долина ги содржи најубавите цркви вклесани во карпите, со преубави фрески чии бои ја задржале нивната оригинална свежина. Самото место е под заштита на УНЕСКО уште од 1984 година. Посета на Црквата Св.Варвара (11.век), Змиската Црква (11.век), Епл Црквата (12.век), Темната Црква (11.век), Сандали Црквата (12-13.век). По манастирскиот комлекс групата се упатува на посета на Зелве. Слободно време за ручек. Посета на глинена – порксалан фабрика, имагинарната и Свети Симон долината. Организирана дегустација на вино и различни видови на сирења. Во попладнедните часови се упатуваме кон Црвената Долина каде ќе бидеме сведоци на најубавото зајдисонце и каде се доживува една од најубавите глетки. Враќање во хотел. Ноќевање.

4 Четврти ден (09.10.2021) – сабота

Појадок. Во договорено време заедно со локален водич одиме на посета на подземниот град Деринкоју, посета на манастирите на Селим, долината на галебите, фабрика за оникс и скапоцени камења. По разгледот се упатуваме во долината на Ихлара. Предвидено враќање назад во хотел во 18ч. Слободно време за индивидуални активности. Ноќевање

5 Петти ден (10.10.2021) – недела

Рано наутро околу 04:00 часот, можност за факулативен лет со балон на топол воздух над самовилските оџаци на магичното изгрејсонце во Кападокија. Класичната обиколка на оваа туристичка атракција во Централна Анатолија од балон го вклучува разгледувањето на местото Ѓореме од воздух кое целосно е сместено помеѓу карпи, а во кое и денес живеат голем број жители. Појадок. По појадокот спакувани и одјавени од хотелот групата се упатува кон Во договореното време тргнување назад за Македонија.

6 Шести ден (11.10.2021) – понеделник

Пристигнување назад во Македонија во попладневните часови.

ЦЕНА:

ЦЕНА НА АРАНЖМАНОТ ПО ЛИЦЕ – 199 евра

 ЗА РЕЗЕРВАЦИЈА ДО 20.09.2021 – 159 евра

Цената вклучува:

  • автобуски превоз на горенаведената релација
  • 3 ноќевања со појадок во 3* хотел во Кападокија
  • пратител за време на патувањето
  • бесплатен трансфер од Битола, Прилеп, Кавадарци (Сирково) и Велес.

Цената НЕ вклучува:

  • патничко осигурување
  • едночасовно летање со балон во Кападокија (ЦЕНАТА Е ПАЗАРНА ОДНОСНО ЌЕ СЕ ЗНАЕ НА ЛИЦЕ МЕСТО И БИ СЕ ЛЕТАЛО ВО ЗАВИСНОСТ ОД ВРЕМЕНСКИТЕ УСЛОВИ ЈАЧИНА НА ВЕТЕР, ВРНЕЖИ И СЛИЧНО)
  • посета на подземниот град Деринкоју со локален водич и превоз (15 евра по лице)
  • турска национална вечер (30 евра по лице)
  • посета на манастирскиот комплекс Ѓореме и долината Зелве со локален водич и превоз (20 евра по лице)
  • индивидуални трошоци

Доплата и попусти:

  • Доплата за single соба е 75 евра
  • Дете до 11.99 години со две полноплатежни лица му следува попуст 30%

ОПИС:

Aко постои бајка за магична земја од глина, веројатно ќе биде напишана за Кападокија! Добредојдовте во земјата на самовилите, прекрасните коњи, најубавите пејзажи на светот дополнети со шарено небо… Кападокија е место кое изобилува со убавини кои го одземаат здивот, уникатни карпести форми во кои древните народи ги направиле своите домови и светилишта. Од самовилски оџаци до подземни градови создадени во вулкански карпи и пештерски цркви. Вулканските ерупции и ерозијата, десеттици милиони години ги создавале овие пејасажи, кои изгледаат како природата да си поиграла со магично стапче! Величествената убавина на оваа област најдобро може да се види од воздух. Колоритните балони се неразделен дел од Кападокија и се надополнување на бајковитата глетка. Целото искуство го надополнуваме со неверојатната Турска храна и гостопримливост.

СЛИКИ:

УСЛОВИ:

  • За реализација на аранжманот потребни се минимум 35 патници!!!
  • Резервација се прави со авансна уплата од минимум 30% од цената на аранжманот и копија од пасош.
  • Комплетна доплата 7 дена пред поаѓање.
  • Цените се дадени во евра, уплата се врши исклучиво во денарска противвредност по курс 1€ = 62мкд.
  • Организаторот на патувањето го задржува правото во случај на промена на цената на превозот, хотелот, недоволен број на пријавени патници и слично, да ја измени цената на аранжманот или пак да го откаже во целост аранжманот на 5 дена пред поаѓање.
  • Организаторот на патувањето го задржува правото за промена на програмата (активностите по денови и датуми) за патување во случај на непредвидени објективни причини, како на пр: застој на граница, застој во сообраќајот, затвореност на некој од локалитетите предвиден за посета, државни или верски празници на одредена дестинација на одредени локалитети и сл.
  • Релациите кои се наведени како ТРАНСФЕР се реализираат со патнички возила или комбе.
  • Превозот ги слегува патниците на најблиската локација до сметувањето каде може да се паркира автобус.
  • 2 дена пред започнување на аранжманот Агенцијата ќе ги потврди информациите за време и место на тргнување или патниците да се обратат во Агенција за време и место на поаѓање.
  • Се замолуваат патниците да бидат на местата за поаѓање 15 минути пред поаѓањето.
  • Седиштата (местата) во автобусот се определуваат автоматски со бројот на резервација со пријавувањето на патниците со авансната уплата. Доплата за одбирање на ред на седење во автобус +10€ по лице (освен првиот ред, кој е резервиран за персоналот).
  • За влез во Tурција е потребен сертификат, ПЦР или антиген тест
  • Патуваме безбедно по сите протоколи со високо туристички автобус.
  • Локалниот водич е на англиски јазик
  • Важноста на патната исправа мора да е минимум шест месеци за влез во Р. Турција во спротивно организаторот не сноси никаква одговорност.

ОТКАЗ НА РЕЗЕРВАЦИЈА:

За отказ на резервација важат опшите услови , односно:

  • за отказ до 30 дена пред патувањето се задржува 30% од сумата.
  • за отказ 29 до 15 дена пред патувањето се задржува 50% од сумата.
  • за отказ 14 до 5 дена пред патувањето се задржува 80% од сумата.
  • за отказ 5-0 дена пред патувањето се задржува 100% од сумата.

Доколку патникот се откажува од аранжманот пред почетокот на патувањето, поради причини кои не можел да ги предвиди, избегне или отстрани (болест, повреда или смрт во потесното семејство, елементарна непогода или слично), а врз основа на важечка потврда од надлежните органи, во тој случај не ги плаќа отказните трошоци по наведената скала, туку само реалните трошоци произлезени од откажувањето на аранжманот, за кои организаторот е обврзан да ги плати на крајниот давател на услугата, без право на рефундација. Доколку патникот се откажува од аранжманот по почетокот на патувањето (за време на патување или за време на престој во местото на патување), поради настани кои се резулатат на влијание на “виша сила” (воени настани, терористички акти, елементарни непогоди, сообраќајни незгоди или слично), кои ниту патникот ниту организаторот не можел да ги предвиди, избегне или отстрани, организаторот не носи одговорност ниту има обврска за поврат на средства за нереализирани услуги, освен доколку крајниот давател на услугите прифати и изврши рефундација на истите.

ПРИГОВОРИ И ПОПЛАКИ:

  • Во случај на неадекватно сместување или било кој друг проблем, се молат патниците за тоа веднаш да го известат одговорното лице на рецепцијата . Доколку проблемот не биде решен, веднаш треба за истиот да се извести ОРГАНИЗАТОРОТ НА ПАТУВАЊЕТО и уплатното место каде сте склучиле Договор за патување, за време на првиот ден од сместувањето и почетокот на ова програма. Напоменуваме дека рекламации за кои агенцијата ќе дознае на последниот ден од престојот или по враќањето на патниците, истите нема да бидат земени во предвид или разгледани.
  • Ве молиме во случај на било каков инцидент (кражба, тепачка, сообраќајна незгода….), да се обратите на надлежните инситуции во земјата на престојот. Организаторот на патувањето единствено е задолжен да Ви помогне при посредување меѓу вас и надлежните институции.
  • Составен дел од оваа програма се Општите услови на патување на организаторот на патувањето. За сите информации дадени усмено, агенцијата не сноси одговорност. Ве молиме внимателно да ги прочитате условите на патување кои се составен дел од овој програм.

Важат Општите услови на СКТМ и Т.А. С-ТРАВЕЛ