You are currently viewing Сараево (Дрвенград – Вишеград – Мостар) – Нова Година 2022

Сараево (Дрвенград – Вишеград – Мостар) – Нова Година 2022

ТЕРМИН:

  • 29.12.2021-02.01.2022

ПРОГРАМА:

1 ДЕН (29.12.’21 – среда) : БИТОЛА 

Состанок на групата на Градската Автобуска Станица во 16.30 часот. Поаѓање за Босна и Херцеговина во 17.00 часот. Патот води преку Скопје, Ниш, Лесковац, Чачак…ноќно и денско патување, со кратки попатни одмори.

2 ДЕН (30.12.’21 – четврток) : МЕЧАВНИК (ДРВЕНГРАД) – ВИШЕГРАД – САРАЕВО 

Пристигнување во Мокра Гора во утринските часови…посета на уникатното етно село „Дрвенград“ изградено од прочуениот режисер Емир Кустурица. Слободно време за кафе-пауза и обиколка на објектите во етно-селото. Влез во БиХ преку г.п.Котроман – пристигнување во градот на Иво Андриќ – Вишеград…посета на мостот на реката Дрина, опеан во неговото ремек-дело „На Дрини Чуприја“, амбиенталната целина „Андриќ град“…патот продолжува кон Сараево. Пристигнување во Сараево во попладневните часови. Сместување во хотел. Слободно време за уживање во СПА-центарот на еден од најубавите хотели во Сараево…вечерта – по желба – ноќна прошетка низ Баш Чаршија. Враќање во хотел. Ноќевање.

3 ДЕН (31.12.’21 – петок) : САРАЕВО 

Појадок. По појадокот – разглед на градот со стручен водич…почнуваме од амбиенталниот парк „Врело Босне“ (изворот на реката Босна – влезницата не вклучена во цената и изнесува 1,5 €), панорамски разглед на дел од градот…Грбавица, Олимписките борилишта, центарот на градот, како и Парламентот од каде и почнува пешачката тура…Инат Кула, Баш Чаршија, Латинскиот мост на Миљацка, местото каде е извршен атентатот врз Франц Фердинанд, Гази Хусреф-Беговата џамија, Ферхадијата, Еврејската синагога, Католичката катедрала, како и Соборната црква Раѓањето на Пресвета Богородица…слободно време за индивидуален разглед на градот или шопинг…враќање во хотел околу 17.00 часот. Вечерта – ДОЧЕК на НОВАТА 2022 година!!! (на отворено или ALL INCLUSIVE свечена вечера со музика, организирано во самиот хотел). Ноќевање.

4 ДЕН (01.01.’22 – сабота) : САРАЕВО – КОЊИЦ – ЈАБЛАНИЦА – МОСТАР 

Појадок. По појадокот – слободно време за индивидуален разглед на градот, или Ви нудиме факултативен полудневен излет по долината на Неретва, посета на Коњиц и Титовиот бункер – познат и како АВК (Атомска Воена Команда), направен да го заштити Југословенскиот Претседател, како и 350 негови најблиски соработници од евентуален нуклеарен напад…АВК е атомско засолниште и е еден од најголемите подземни објекти направени во бившата држава…патувањето продолжува за Мостар – најважниот град во Херцеговина…посета на старата чаршија, Камениот мост (16.век) – ремек-делото на Мимар Хајрудин, кулите Тара и Хелебија, Караѓоз-беговата џамија…слободно време за одмор, или индивидуален разглед на градот…поаѓање за Сараево, со попатна посета на Јабланица – можност за ручек во некој од рестораните покрај магистралата, со преубав поглед на Неретва…враќање во хотел во касните попладневни часови. Ноќевање.

5 ДЕН (02.01.’22 – недела) : САРАЕВО – БИТОЛА 

Појадок. По појадокот – одјавување од хотелот. Слободно време за шопинг во центарот (посетете ги BBI или SCC трговскитe центри – препорака) до 13.00 часот, кога е и предвидено поаѓање за Македонија…пристигнување во Македонија во касните вечерни часови.

ЦЕНА:

8.190,00 ден. (132 

Цената вклучува:

  • Автобуски превоз на горенаведената релација;
  • Разглед на Сараево со стручен водич;
  • 3 НП (шведска маса) во Сараево хотел со 4*;
  • Посета на Мокра Гора (Дрвенград);
  • Посета на Вишеград;
  • Организирани ТРАНСФЕРИ – без надокнада од Прилеп, Велес, Скопје и Куманово;
  • Организација, водство и реализација на аранжманот;

Цената НЕ вклучува:

  • Факултативните излети и посети;
  • Влезниците при посета на културно-историските споменици…
  • Полудневен излет по долината на реката Неретва (Коњиц – Мостар – Јабланица) 4-от ден – 40 € по лице (автобус+влезница за бункерот и разглед на истиот со стручен водич+посета и разглед на Мостар со стручен водич) – минимум 30 патници;
  • Свечената вечера за дочекот на Новата 2022.година во хотелот (ALL INCL) – 40 € по лице;
  • ТРАНСФЕРИ од Струга, Охрид, Кичево – 10 € по лице;
  • Патничкото осигурување;
  • Влезница за Дрвенград – 2,5 € по лице;

ПОТРЕБНИ COVID – документи за ВЛЕЗ во Б и Х (за Р.Србија моментално не е потребен никаков документ) :

  • Негативен PCR тест, не постар од 72 часа од денот на влегување во Б и Х
  • Негативен RAPID антигенски тест, не постар од 48 часа од денот на влегување во Б и Х 
  • GREEN PASS (вакцинален пасош, за примени 2 дози на вакцина и тоа од било кој производител
  • СЕРТИФИКАТ за прележан COVID 19 (не постар од 6 месеци од денот на влез во Б и Х )

ОПИС:

Хотелот ХОЛИВУД**** (www.hotel-holywood.ba) е сместен во центарот на Илиџа, зелената оаза на Сараево, располага со таверна, 4 ресторани, конгресен центар, слаткарница, кафе Холивуд, wellness центар (сауна, турско купатило, солена соба, салони за масажа, фитнес центар, затворен Олимписки базен, куглана, билијар…). Користењето на базенот и фитнес центарот се БЕСПЛАТНИ за гостите на хотелот. Бесплатен бежичен интернет (WI-FI) е достапен на целата територија на хотелот, купатилата се опремени со џакузи када или хидромасажен столб, фен…сите 418 луксузно опремени соби и апартмани се исклучително пространи и вкусно наместени, со SAT TV, локална TV, како и PAY TV.

СЛИКИ:

УСЛОВИ:

  • За реализација на аранжманот потребни се минимум 40 патници!!!
  • Резервација се прави со авансна уплата од минимум 30% од цената на аранжманот и копија од пасош.
  • Комплетна доплата 7 дена пред поаѓање.
  • Цените се дадени во евра, уплата се врши исклучиво во денарска противвредност по курс 1€ = 62мкд.
  • За евентуален отказ на овој аранжман – патниците ќе бидат известени најкасно 5 дена пред денот на поаѓање.
  • Патувањето се одвива според новите пропишани протоколи за работа со туристички групи.
  • Патниците се должни во секое време да внимаваат на својата и безбедноста на сите во групата, како и да ги почитуваат дадените насоки и препораки за однесување во автобус од страна на организаторот.
  • Доколку дојде до непредвидена „виша сила“ за нереализирање на патувањето, поради новонастанати ситуации кои агенцијата не можела да ги предвиди, уплатените средства ќе бидат вратени на клиентот
  • Агенцијата го задржува правото за измена на редоследот на поедини содржини во програмата (застој во сообраќај, локални штрајкови, локали предупредувања, каснење на патници, непочитување на сатница закажана однапред од страна на агенцијата.

ОТКАЗ НА РЕЗЕРВАЦИЈА:

За отказ на резервација важат опшите услови , односно:

  • за отказ до 30 дена пред патувањето се задржува 30% од сумата.
  • за отказ 29 до 15 дена пред патувањето се задржува 50% од сумата.
  • за отказ 14 до 5 дена пред патувањето се задржува 80% од сумата.
  • за отказ 5-0 дена пред патувањето се задржува 100% од сумата.

Доколку патникот се откажува од аранжманот пред почетокот на патувањето, поради причини кои не можел да ги предвиди, избегне или отстрани (болест, повреда или смрт во потесното семејство, елементарна непогода или слично), а врз основа на важечка потврда од надлежните органи, во тој случај не ги плаќа отказните трошоци по наведената скала, туку само реалните трошоци произлезени од откажувањето на аранжманот, за кои организаторот е обврзан да ги плати на крајниот давател на услугата, без право на рефундација. Доколку патникот се откажува од аранжманот по почетокот на патувањето (за време на патување или за време на престој во местото на патување), поради настани кои се резулатат на влијание на “виша сила” (воени настани, терористички акти, елементарни непогоди, сообраќајни незгоди или слично), кои ниту патникот ниту организаторот не можел да ги предвиди, избегне или отстрани, организаторот не носи одговорност ниту има обврска за поврат на средства за нереализирани услуги, освен доколку крајниот давател на услугите прифати и изврши рефундација на истите.

ПРИГОВОРИ И ПОПЛАКИ:

  • Во случај на неадекватно сместување или било кој друг проблем, се молат патниците за тоа веднаш да го известат одговорното лице на рецепцијата . Доколку проблемот не биде решен, веднаш треба за истиот да се извести ОРГАНИЗАТОРОТ НА ПАТУВАЊЕТО и уплатното место каде сте склучиле Договор за патување, за време на првиот ден од сместувањето и почетокот на ова програма. Напоменуваме дека рекламации за кои агенцијата ќе дознае на последниот ден од престојот или по враќањето на патниците, истите нема да бидат земени во предвид или разгледани.
  • Ве молиме во случај на било каков инцидент (кражба, тепачка, сообраќајна незгода….), да се обратите на надлежните инситуции во земјата на престојот. Организаторот на патувањето единствено е задолжен да Ви помогне при посредување меѓу вас и надлежните институции.
  • Составен дел од оваа програма се Општите услови на патување на организаторот на патувањето. За сите информации дадени усмено, агенцијата не сноси одговорност. Ве молиме внимателно да ги прочитате условите на патување кои се составен дел од овој програм.

Важат Општите услови на СКТМ и Т.А. С-ТРАВЕЛ