Хотел Манастир – Берово

ОПИС:

Во подножјето на  Малешевските планини во областа Малешевија на надморска висина од околу 900 метри се наоѓа градот Берово. Малешевијата е еден од најчистите и незагадени региони во Македонија и таа се одликува со уникатна комбинација од речиси недопрена природа,  големо културно и историско наследство, фолклор и занаетчиство и најголема концентрација на кислород во воздухот на Балканот. Пријатната клима и еколошко – здравата храна, го прави овој крај идеално прибежиште за одмор, гастрономско уживање, релаксација и рекреација.
Хотел Манастир се наоѓа на излезот од Берово, на 5 км одалеченост од езерото. Хотелот располага со 30 соби, СПА содржини, две летни тераси, терен за тенис, терен за одбојка, фитнес сала, две комплетно опремени сали за состаноци, детско игралиште и секако надгледуван паркинг простор. Планинското опкружување, езерото, маркираните велосипедски и пешачки патеки, се најпогодното место за релаксирачки прошетки, за љубителите на планинарењето и mount-biking, како и за оние кои бараат авантури и предизвици.

– 31 соба и апартман, 1 Апарт вила – сместување
– 4 конференциски сали – корпоративни потреби
– Ресторан (капацитет 220) – гурманско уживање
– Спа – Релаксација
– Летни тераси – поглед на шума
– Спортски содржини
– Парк, бар и зелена плажа, покрај река
– Детско игралиште
– Паркинг под надзор

*Менито за оброците вклучува специјалитети приготвени според локални рецепти од домашни продукти, произведени во еколошкиот Малешевски крај.

• За појадок се послужува стандард шведска маса, надополнета со месени, млечни идруги локални специјалитети:  баница, пишии, јуфка, урда, ајвар, пинџур, овчо сирење со пиперки, слатко од диви шумски плодови, печена тиква, домашен бел и р’жан леб……
• Менито за ручек или вечера се состои од-Избор од разни видови супи за руче-Салатите се спремаат на повеќе начини користејќи локални градинарски продукти и шумски плодови , збогатени со млечни производи од малешевското поднебје.-Главното јадење може да биде избор од Малешевска тава (со свинско,телешко или пилешко месо), клиси на тава, клиси со праз, свинска плешка, ребро или врат приготвени под вршник, полнети беровски компири, полнети тиквици, качамак со ребра, и други стандардни оброци припремени  на повеќе начини од телешко и пилешко месо.  Од артикли за скара на жарпокрај стандардното месо, може да се избере – Дедо Иљова и Малешевска плескавица како и колбас јатаган…-Прилозите за главното јадење се најчесто од градините и нивите на локалните производители.*Десертот е избор од бабина торта со слатко од шумски плодови, слатко од Беровска слива,палачинка ала манастир, сутлијач со јаболка, тиквеник, кох, пита од сливи, пита од јаболка идруги локални колачи.

ЦЕНОВНИК 2024:

Цената вклучува:

• Ноќевање со појадок по лице на ден изразено во денари

Цената НЕ вклучува:

• Превоз
• Индивидуални трошоци
• Туристичка такса

Доплата и попусти:

• Доплата за  30/60 минути користење на СПА (600/900 мкд 2 лица),  по претходно закажан термин на рецепција.
• Без вклучен пијалок за време на оброците!!!
• Туристичката такса изнесува 40 мкд за едно лице, за една ноќ
• Доплата за Полу-пансион + 740 мкд за едно возрасно лице
• Доплата за Цел пансион + 1350 мкд за едно возрасно лице
• Едно дете до 5,99години е бесплатно
• Едно дете од 6-11,99 години – 800 мкд
• Две деца 0-5,99 години – 800 мкд
• Доплата за трето лице во една сместувачка единица е 1540 мкд
• Доплата за четврто/петто лице во една сместувачка единица е 1170 мкд

ПАНСИОНСКИ УСЛУГИ ЗА 2025:

·         Ноќевање со појадок/еднокреветна соба – 2460 денари
·         Ноќевање со појадок/двокреветна соба – 1840 денари од лице
·         Ноќевање со појадо/трокреветна соба – 1540 денари од лице
·         Полу пансион/еднокреветна соба – 3140  денари
·         Полу пансион/двокреветна соба –2520 денари од лице
·         Полу пансион/трокреветна соба –2220 денари од лице
·         Полн пансион/еднокреветна соба – 3750 денари
·         Полн пансион/двокреветна соба – 3140 денари од лице
·         Полн пансион/трокреветна соба – 2830 денари од лице

Цените се без вклучен пијалок за време на оброците
1 безалкохолен пијалок за време на оброк – 95 денари
Додатен трокурсен оброк како дел од пансион (салата, главно јадење и десерт) – 710 ден од лице

ВОН-ПАНСИОНСКИ УСЛУГИ:

·         Трокурсен оброк – за групи кои не ноќеваат (салата, главно јадење и десерт) – 810 ден од лице
·         Вон-пансионско традиционално мени петкурсно – централно сервирано – 1240 ден од лице
·         Вон-пансионско деликатесно традиционално мени петкурсно – централно сервирано – 1550 ден од лице
·         Оброк „finger food“ даски традиционална храна – погодно за оброк на отворено, во паркот покрај река – 900 ден од лице

o    Погодно за оброк на отворено или дневна или вечерна забава

Пакет неограничен пијалок од наливна програма (фанта, кока кола, швепс, вода газирана и негазирана, пиво, вино бело и црно, ракија сливова и лозова, коњак, вотка, узо, мастика) во траење од 4 часа – 550 денари од лице.

КОНФЕРЕНЦИСКИ УСЛУГИ:

·         Конференциска сала со опрема (Wi-Fi, ЛЦД Проектор, платно, флип чарт табла) – бесплатно на користење само за пансионски групи
·         1 кафе од вендинг машина – 60 денари
·         1 безалкохолен пијалок – 90 денари
·         Ситни колачи за време на 1 кафе пауза – 60 денари од лице
·         Овошје за време на 1 кафе пауза – 60 денари од лице
·         Вода во сала 1,5л – 90 денари; вода во сала 0,5л – 60 денари

ЗАБАВА:

·         Во саботите навечер во редовна програма имаме 4 часа музички бенд во живо во ресторанот, а доколку Вие сакате да Ви организираме забава со музички бенд некоја друга вечер од неделата, со соодветна доплата ќе го направиме тоа .
·         За време на вечерите и вечерните забави можеме да Ви понудиме пакет неограничен пијалок од наливна програма во траење од 4 часа – 550 денари од лице.
·         Забава со логорскиот оган покрај река (во прилог Ви праќаме слики), времетраење 4 часа, цена за аранжман за 1лице – 1250 денари, за група од најмалку 15+лица

Аранжманот вклучува:

o    неограничен пакет пијалок наливна програма во траење од 4 часа
o    ДЈ+озвучување за отворено
o    логорски оган, простор и амбиент
o    може да се комбинира со послужување на оброк “finger food” – даски, поставени за време на забавата со логорскиот оган – 900 денари од лице

·         Забава или караоке со ДЈ (на затворено) времетраење 4 часа, цена за аранжман за 1 лице – 1250 денари од лице, за група од најмалку 15+ лица
o    неограничен пакет пијалок, од наливна програма во траење од 4 часа.
o    ДЈ  (избор на жанр на музика во договор со групата)
o    може да се комбинира со послужување на оброк “finger food – даски, поставени за време на забавата – 900 денари по лице.

  ЗАБАВНО-РЕКРЕАТИВНИ АКТИВНОСТИ:

 1. Активност ПРОШЕТКА со водичи во околната на Берово околу 3ч 30мин – цена 700 ден/1лице
·         Посета на манастирот Св.Архангел Михаил и раскажување од игумената на легендата за настанокот на манастирот и неговата историја,
·         Превоз на групата до езерото 4,5км
·         Прошетка околу езерото околу 1ч
·         Превоз до манастирот Св.Богородица 4км (во насока кон хотелот), дегустација на манастирски локум и презентација на производите од манастирската работилница за природна козметика и лековити масла, враќање кон хотелот пешки 500м.-10мин.
*Групата користи сопствени возила за превоз или по договор можеме да организраме

 2.  Организирано ПЛАНИНАРЕЊЕ
·     Лесно-средна 9км+1км, 350-400 елевација (средно време: на движење 3ч., вкупно време со паузи и одмо 3ч 45мин.) планинарење во прекрасна природа со водичи, 800 ден/1 лице:
o    Лесно- средна планинарска тура со водичи, поаѓање од хотел, погодна за лица со просечни рекретаивни активности, но секако динамиката на движењето/одморите се адаптира согласно најмалку фит учесниците за уживање на целата група, планински предели, движење низ столетна густа борова шума и по срт со отворени видици до езерото по живописна патека, на езерото одмор од 30мин и уживање на прекрасното крајбрежје 
o    должина 9 км (+1км кратко враќање, до местото на превозот кон хотел), елевација 400м, времетраење – активно движење околу 3ч со вклучени паузи и одмор од 30мин., со транспорт назад до хотел 15мин, вкупно околу  4ч.
o    доколку групата располага со групен превоз, го користи сопствениот, во спротивно ангажирање на локален превозник за транспорт на групата, од езеро до хотел – со дополнителна доплата
o    времетрањето на турата е предвидено во рамките на нашето искуство, односно доколку групата се движи со средна брзина на движење 3 км/ч, со земање во предвид дека се работи за „оф-роад“ планински терен со делумни стрмни делови и најчесто многу хетерогени групи во однос на фитнес нивото на учесниците, што значи дека времетраењето на турата може да осцилира со -/+ 1 ч од предвиденото
o    За Ваше чувство на сигурност, доколку некои од учесниците не можат да ја продолжат турата, имаме поддршка од превоз со џип, кој може да пристапи до одредени точки на патеката, со соодветна доплата

Поволности ЗА Групи

Доколку групата престојува:
– 4+ ноќевања на гореодобрениот попуст одобруваме дополнителен попуст од 4%,
– 7+ ноќевања на гореодобрениот попуст одобруваме дополнителен попуст од 6%
-10+ ноќевања на гореодобрениот попуст одобруваме дополнителен попуст од 8%

 Погоре наведените цени се со важност од 30 дена или со потврда на резервација со уплата од 50%. Доколку нема големи промени на економските параметри овие цени и  услови ќе важат и во периодот кој што ќе следи, но во спротивно го задржуваме правото за промена на истите.

СЛИКИ:

1 2 ►

УСЛОВИ:

• Резервација се прави со авансна уплата од минимум 30% од цената на аранжманот и копија од лична карта.
• Комплетна доплата 7 дена пред поаѓање.

ОТКАЗ НА РЕЗЕРВАЦИЈА:

За отказ на резервација важат опшите услови , односно:

• за отказ до 30 дена пред патувањето се задржува 30% од сумата.
• за отказ 29 до 15 дена пред патувањето се задржува 50% од сумата.
• за отказ 14 до 5 дена пред патувањето се задржува 80% од сумата.
• за отказ 5-0 дена пред патувањето се задржува 100% од сумата.

Доколку патникот се откажува од аранжманот пред почетокот на патувањето, поради причини кои не можел да ги предвиди, избегне или отстрани (болест, повреда или смрт во потесното семејство, елементарна непогода или слично), а врз основа на важечка потврда од надлежните органи, во тој случај не ги плаќа отказните трошоци по наведената скала, туку само реалните трошоци произлезени од откажувањето на аранжманот, за кои организаторот е обврзан да ги плати на крајниот давател на услугата, без право на рефундација. Доколку патникот се откажува од аранжманот по почетокот на патувањето (за време на патување или за време на престој во местото на патување), поради настани кои се резулатат на влијание на “виша сила” (воени настани, терористички акти, елементарни непогоди, сообраќајни незгоди или слично), кои ниту патникот ниту организаторот не можел да ги предвиди, избегне или отстрани, организаторот не носи одговорност ниту има обврска за поврат на средства за нереализирани услуги, освен доколку крајниот давател на услугите прифати и изврши рефундација на истите.

ПРИГОВОРИ И ПОПЛАКИ:

• Во случај на неадекватно сместување или било кој друг проблем, се молат патниците за тоа веднаш да го известат одговорното лице на рецепцијата . Доколку проблемот не биде решен, веднаш треба за истиот да се извести ОРГАНИЗАТОРОТ НА ПАТУВАЊЕТО и уплатното место каде сте склучиле Договор за патување, за време на првиот ден од сместувањето и почетокот на ова програма. Напоменуваме дека рекламации за кои агенцијата ќе дознае на последниот ден од престојот или по враќањето на патниците, истите нема да бидат земени во предвид или разгледани.
• Ве молиме во случај на било каков инцидент (кражба, тепачка, сообраќајна незгода….), да се обратите на надлежните инситуции во земјата на престојот. Организаторот на патувањето единствено е задолжен да Ви помогне при посредување меѓу вас и надлежните институции.
• Составен дел од оваа програма се Општите услови на патување на организаторот на патувањето. За сите информации дадени усмено, агенцијата не сноси одговорност. Ве молиме внимателно да ги прочитате условите на патување кои се составен дел од овој програм.

Важат Општите услови на СКТМ и Т.А. С-ТРАВЕЛ